4 years of my life

I have experienced a whole new dimension of myself & life in general in 4 years of IIT life.To leave this place is a dilemma because these were the 4 best years of my life.I had my share of laughter, fun & disappointments.I made some of my best friends here only.A whole bunch of people who can do anything for me.The following poem is not exactly mine, but it expresses the feelings through which I am going.

Raah dekhi thi is din ki kabse,
Aage ke sapne saja rakhe the naajane kab se.
Bade utavle the yahaan se jaane ko ,
Zindagi ka agla padaav paane ko .
Par naa jane kyon ..Dil mein aaj kuch aur aata hai, Waqt ko rokne ka jee chahta hai.
Jin baton ko lekar rote the Aaj un par hansi aati hai, Na jaane kyon aaj un palon ki yaad bahut aati hai .
Kaha karte the ..Badi mushkil se char saal seh gaya, Par aaj kyon lagta hai ki kuch peeche reh gaya.
Na bhoolne wali kuch yaadein reh gayi,
Yaadien jo ab jeene ka sahara ban gayi.
Kaun raat bhar saath jag kar padega ,
Kaun mere naye naye naam banayega.
Mein ab bina matlab kis se ladoonga,
Bina topic ke kisse faalto baat karoonga ,
canteen me chaay kis ke saath piyoonga , Wo haseen pal ab kis ke saath jiyoonga,
Aise dost kahaan milenge Jo khai mein bhi dhakka de aayein, Par fir tumhein bachane khud bhi kood jayein.
Kaun mujhe mere kabiliyat par bharosa dilayega, Aur jyada hawa mein udne par zameen pe layege ,
Meri khushi mein sach mein khush kaun hoga , Mere gam mein mujhse jyada dukhi honge.
Yaaro aaj jana to mujhe padega, par dil ko ye sukoon hai ki mera ek hissa hamesha yahi rahega.